Ushtria e Ukrainës tha të martën se i ka shkatërruar nëntë helikopterë gjatë bombardimit të fushave ajrore pranë qyteteve të uzurpuara nga Rusia, Luhansk dhe Berdiansk.
Një qitës kundërajror, teknologji e veçantë dhe arsenal i tërë u shkatërruan, po ashtu, sipas Ushtrisë së Ukrainës.
Si pasojë e sulmeve u dëmtuan edhe pistat e fushave ajrore. Pala ruse nuk i ka komentuar këto sulme.
Shpërthimet në depot e municioneve vazhduan për disa orë dhe dhjetëra ushtarë rusë raportohet të jenë vrarë dhe plagosur, sipas zyrtarëve ukrainas.
Fushat ajrore ndodhen rreth 90 kilometra larg vijës së frontit.
Blogerët e Ushtrisë së Rusisë i kanë përshkruar këto sulme si më të rëndat ndaj bazave ajrore të Rusisë qëkur nisi pushtimi i plotë i Ukrainës nga Moska gati 20 muaj më parë.
Më herët gjatë ditës së martë, mediat lokale në Berdiansk raportuan se mbrojtja kundërajrore ishte përdorur, por pa komentuar për dëme apo viktima të mundshme./rel
5,000 fluturime të anuluara, ndërprerja më e madhe globale e...
Mbi 1.000 objektiva iraniane të goditura në 24 orët e para t...
Liverpooli i vihet pas Konrad Laimer
Trump, popullit iranian: Shfrytëzojeni këtë mundësi dhe rime...
Mbretëria e Bashkuar i lejon SHBA-së t’i shfrytëzojë bazat e...
Rikthim i madh i Juventusit – Romës i ikën fitorja në sekond...
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
